6 дугаар сарын 20-нд АНУ-ын Элчин сайд Марк С. Минтон АНУ-ын ХХА-г төлөөлөн Eznis Airways компанид буцалтгүй тусламж олгох баримт бичигт гарын үсэг зурлаа. Энэхүү 500 мянган долларын буцалтгүй тусламж нь 2011 он хүртэл бизнесээ өргөжүүлэх төлөвлөгөө болосруулж зах зээлийн судалгааг хийхэд зориулагдах юм байна.

Энэ буцалтгүй тусламжаас гадна, АНУ-ын ХХА нь бараа үйлчилгээний стандартыг боловсруулж хэрэгжүүлэх хөтөлбөрүүдийг Монгол улсад мөн дэмжиж байгаа.

АНУ-ын Худалдаа, хөгжлийн агентлагийн гол зориго нь  хөгжиж буй болон дунд орлоготой орнуудын эдийн засгийн хөгжил болон тэдгээр оронд АНУ-ын худалдааны сонирхлыг хөхүүлэн дэмжиж ажиллахад оршидог. Тус агентлаг техникийн туслалцаа, зах зээл хөрөнгө оруулалтын судалгаа, сургалт семинар, танилцах аялал, бизнесийн уулзалтыг санхүүжүүлэн зохион байгуулснаар орчин үеийн дэд бүтэц, шударга, нээлттэй худалдааны зарчмыг хөгжүүлэх эрхэм зорилготой байгууллага юм. АНУ-ын Худалдаа, хөгжлийн агентлаг энэхүү эрхэм зорилгынхоо хүрээнд АНУ-ын бараа, үйлчилгээний экспортоос ашиг хүртэж болохуйц эдийн засгийн салбаруудад онцгой анхаарал хандуулдаг билээ.