АНУ-ын ЭСЯ-ны Хэргийг түр хамаарагч Сэлэнгэ аймагт айлчлав

2007 оны 11-р сарын 5.

АНУ-ын ЭСЯ-ны Хэргийг түр хамаарагч Брайн Голдбэк 11-р сарын 1-2ны өдрүүдэд Сэлэнгэ аймагт айлчлав. 11-р сарын 1-нд Засаг даргатай хийсэн уулзалтын үеэр Ерөнхийлөгч Энхбаярын Вашингтонд хийсэн айлчлалын үр дүн болон Мянганы Сорилын Сангийн Ерөнхий гэрээнд гарын үсэг зурсны талаар ярилцан, уул уурхай, хөдөө аж ахуй болон аялал жуулчлалын салбарт хамтран ажиллах боломжуудыг хэлэлцсэн. Мөн Хэргийг түр хамаарагч бүс нутгийн засаг захиргааны албан тушаалтнууд, улс төрийн удирдлагууд, төрийн бус байгууллагуудын төлөөлөгчид, сурвалжлагчид болон Дархан дахь Монгол Улсын Зэвсэгт хүчний энхийг сахиулах хэсэгтэй уулзав.