Хэвлэлийн Мэдээ
7 сарын 09, 2008
Өнгөрсөн долоо хоногт сонгуультай холбоотой гарсан үймээний үеэр сүйтгэгдсэн Морин хуурын чуулгын хөгжмийн зэмсэг, ноот, хувцас хэрэглэлийг сэргээн засварлаж, шинээр худалдан авахад зориулан Улаанбаатар дахь АНУ-ын Элчин сайдын яамны хамт олон сайн дурын хандив цуглуулжээ. ЭСЯ-ны хамт олны сэтгэлээсээ өгч буй хандив энэхүү гайхалтай чуулгыг сэргээн босгож, цаашид дэлхий дахинаа дуурсах гайхамшигт олон бүтээлээ туурвихад нь хувь нэмэр болно гэдэгт итгэж байна.
Хэвлэлийн Мэдээ
7 сарын 08, 2008
Онц байдал өндөрлөж, хэвлэлийн эрх чөлөөг сэргээн тогтоосон явдлыг бид сайшаан хүлээж авлаа. Сонгуультай холбоотой гарсан хүчирхийллийн улмаас хүний амь эрсдэж, хүмүүс гэмтэж бэртсэнд бид дахин эмгэнэл илэрхийлэхийг хүсч байна. Монгол Улсын Засгийн газар өнгөрсөн долоо хоногт болсон хэрэг явдлыг нягтлан шалгаж, Монгол Улсын хууль тогтоомжийг шударга бөгөөд үнэнээр, Монголын ардчиллын зарчмуудад нийцүүлэн хэрэглэхийг бид дэмжиж байна. Энэ үйл явцыг ил тод, нээлттэй байдлаар явуулах нь эвлэрэл, эдгэрэлийн үйл явцад тус дөхөм болно. Хүчирхийлэл дахин гаргахгүйн төлөө Монголчууд бүгдээрээ ихээхэн санаа тавина гэдэгт найдаж , энх тайван, тогтвортой байдал, эвлэрлийг дэмжихийг оролцогч бүх талуудад бид уриалж байна.
.......................................................................................................................................................
Парламентын сонгуулийн дараа Ерөнхийлөгч Н.Энхбаярыг онц байдал зарлахад хүргэсэн хүчирхийлэл гарсанд бидний сэтгэл гүнээ зовниж байна. Монголын ард түмний эрх ашгийг дээдлэн хамтран ажиллахыг улс төрийн намуудад бид уриалж байна. Сонгуулийн зөрчлийн талаар гарсан аливаа гомдол нь Сонгуулийн ерөнхий хороогоор, Монголын ардчиллын зарчим, туршлагыг хүндэтгэн баталгаажуулахуйц байдлаар шийдвэрлэгдэх ёстой.
