Монголын Мянганы Сорилын Сангийн Удирдах Зөвлөлийн анхны хурал болов.

Монголын Мянганы Сорилын Сангийн Удирдах Зөвлөл 4 сарын 3-нд анхныхаа хурлыг хийж Мянганы Сорилын Сангийн Гэрээг хэрэгжүүлэхэд шаардлагатай зарим асуудлыг хэлэлцэж батлав.

Сангийн сайд, Барилга хот байгуулалтын сайд, Эрүүл мэндийн сайд, Боловсрол, соёл, шинжлэх ухааны сайд, Зам тээвэр аялал жуулчлалын сайд болон хувийн салбарын нэг, иргэний нийгмийн хоёр төлөөллөөс бүрдсэн Ерөнхий сайдаар ахлуулсан Удирдах Зөвлөл бүрэн бүрэлдэхүүнээр хуралдсан бөгөөд Монголын Мянганы Сорилын Сангийн зохион байгуулалтын болон бусад чухал баримт бичгийг батлаж, Монголын МСС-ийн Гэрээний хэрэгжилтийн өдөр тутмын ажлыг удирдан явуулах үүрэг бүхий Ажлын албаны ахлах албан тушаалтны ажлын байруудад нэр дэвшсэн хүмүүсийн материалтай танилцаж хэлэлцэв.